कर्णाली नदीमा हाम फालेर बेपत्ता भएका लोकेन्द्र शाहीको शव फेला
चैत्र १५ गते २०८०
9:20 PM
आर्थिक मञ्च
काठमाण्डौ । कैलालीको चिसापानी पुलबाट हाम फालेर कर्णाली नदीमा बेपत्ता भएका लोकेन्द्र शाहीको शव फेला परेको छ ।
गएको सोमवार होली खेलेपछि कर्णाली पुलबाट १७ जना युवाले हाम फालेका थिए । तीमध्ये लम्कीचुहा नगरपालिका–३ का ३० वर्षीय लोकेन्द्र शाही बेपत्ता हुनुभएको थियो । शाहीको शव टीकापुर सन्कट्टी घाटमा फेला पारेको लम्कीचुहा नगरपालिकाका प्रवक्ता लव शाहीले जानकारी दिनुभयो ।
होली खेलिरहेका युवा फोटो खिच्ने भन्दै कर्णाली पुलमा पुगेका र त्यहाँबाट हाम फालेका थिए । पुलबाट हाम फालेका अरू युवा भने पौडी खेलेर पार लागेका थिए ।
