काठमाण्डौ । निजी विद्यालय सञ्चालकहरूले विद्यालय शिक्षा विधेयकमा आफूहरूको माग पूरा नगरेमा विद्यालय बन्द गर्ने घोषणा गरेका छन् । निजी विद्यालयका छाता सङ्गठनहरू प्याब्सन, एनप्याब्सन, हिसान र अपेनले भदौ १८ गतेदेखि विद्यालय बन्द गर्ने चेतावनी दिएका हुन् । उनीहरूले निजी विद्यालयलाई क्रमशः गैरनाफामूलक बनाउने र पूर्ण छात्रवृत्तिको व्यवस्था विधेयकबाट हटाउनुपर्ने माग राखेका छन् ।

यस्तै नेपाल शिक्षक महासङ्घले प्रतिनिधिसभामा रहेको विद्यालय शिक्षा विधेयक सच्याउन माग गर्दै हिजो नेपाली कांग्रेसको कार्यालय घेरा घरेकोमा आज नेकपा एमालेको कार्यालय घेराउ गरेको छ । विगतमा भएको सहमति अनुसार प्रतिनिधिसभाबाट विधेयक सच्याउन महासङ्घले माग गरेको छ ।