नेप्सेमा दोहोरो अंकको गिरावट
कार्तिक १४ गते २०८०
7:12 pm
आर्थिक मञ्च
मंगलबार आज नेप्सेमा १४ अंकको गिरावट आएको छ । ०.७६ प्रतिशतले घटेसँगै आज नेप्से परिसूचक १८६४ अंकमा आइपुगेको छ ।
आज ५७ करोड १४ लाख ८३ हजार रुपैयाँ बराबरको २२ लाख ५८ हजार कित्ता सेयर किनबेच भएको छ । यस्तै, आज ३८ कम्पनीको मात्रै सेयर मूल्य बढेको छ भने १९३ कम्पनीको सेयर मूल्य घटेको छ ।
परिसूचक दोहोरो अंकले घट्दा आज कारोबारमा आएको सबै समूहको सूचकमा गिरावट आएको छ । सबैभन्दा धेरै जीवन बीमा समूहको सूचकमा १४३ अंकको गिरावट आएको छ । यस्तै, निर्जीवन बीमा समूहको सूचकमा ५८ अंको र विकास बैंक समूहको सूचकमा ३१ अंकको गिरावट आएको छ ।
